رواية جبروت الاهل الفصل الثاني 2 والاخير بقلم ميرا ابو الخير
#الاخيرة. #بقلم_ميرا_ابوالخير
كريم بخبث: حصل انا مطلقتهاش وطالبها ف بيت الطاعة.
حاتم بغضب: يا بن ال*** الكل شاهد انك عملت كدا.
ابوه بغضب: احترم نفسك ياحاتم.
سجا بدموع: يحترم نفسه ازاي هو معملش حاجه يا حضرت الظابط اخويا كان بيدافع عني والعلامات دي تشهد.
ورت له دراعها مليان كد"مات ابوها بص ببرود و كريم بلع ريقه بتوتر.
الظابط: تمم تعالوا كلكم ع القسم نشوف الحكاية.
راحوا معه القسم كلهم.
سجا بدموع: كل ليلة ضر*ب واها"نة و زعيق و شتا"يم بافظع الالفاظ كل يوم ذل عشان خاطر اقل غلط او تلكيك وخلاص و لما روحت اشكي لابويا طردني ورجعني له كنت عاوزاني اهرب طب وعيالي والناس هتقول اي وانا واثقه انهم مش بيسيبوا حد ف حاله هيقولوا هربت طفشت و عيالييي طيب نفترض اني خدتهم ومشيت كنت هروح فين وكل الابواب اتقفلت اخويا معملش حاجه و الاستاذ المحترم دا مطلقني الطلقة التالتة اساسا.
اتصدموا...
سجا: ايوا دي كانت الطلقة التالتة.
الظابط: عندك شهود.
سجا بسخرية: كتير عندي يلي عيني اتكسرت قدمهم والشمتان و الجيران.
بقلم ميرا ابوالخير.
الظابط قعد يحقق معاهم...
برا سجا كانت قاعده واخوها جنبها وابوها واقف مع كريم.
ابوها قرب منها ولسه هيرفع ايده حاتم وقف قصده: مش هسمح لكم تبهدلونا اكتر من كدا.
ابوه بغل: انت قليل الادب ولازم تتربي.
حاتم بجمود: حصل اصل للاسف ابويا كان مشغول ب كتاب كيف تجعل اولادك اتعس الناس.
ابوه بص له بغضب و مشي.
مسك حاتم ايد اخته بحنان وبيطمنها...
بعد ساعتين.
كريم اتحبس لانه كلامه كله غلط دا غير المحاضر يلي عملتها فيه سجا.
بعد مرور سنتين.
حاتم كان لابس بدلة ورجع لحبيبة عمره بعد عناء...
سجا فتحت مطعم صغير و شوية شوية بدء يكبر....
ابوهم وامهم مع الوقت حسوا بغلطتهم البيت فاضي وهم مبقوش بيسالوا عنهم حسوا قد اي كانوا غلط و عازموا ع تصليح غلطهم قبل فوات الاوان و عارفوا انه جبروت الاهالي ملهوش اساس لانه الاهل هم السند...
#تمت...
#بقلم_ميرا_ابوالخير...
